திருக்குறள் -(அதிகாரம் - 1)

1. கடவுள் வாழ்த்து

(அதிகாரம் - 1)

1.அகர முதல எழுத்தெல்லாம் ஆதி

 பகவன் முதற்றே உலகு.

meaning:உலகில் வழங்கி வரும் எழுத்துக்கள் அ என்ற எழுத்தை முதலாகக் கொண்டுள்ளன. அதுபோல உலகத்து உயிர்கள் கடவுளைத் தமக்கு முதன்மையாகக் கொண்டுள்ளன.

2.கற்றதனாலாய பயனென்கொல்வாலறிவன்  

'நற்றாள் தொழாஅர் எனின்.

meaning:கடவுளின் புனிதமான திருவடிகளை வணங்காதவன், கற்ற கல்வியினால் ஒரு பயனும் இல்லை .

3.மலர்மிசை ஏகினான் மாணடி சேர்ந்தார் நிலமிசை நீடுவாழ் வார்.

meaning:பக்தரின் அகமலரில் வாழ்கின்ற கடவுளின் பெருமை பெற்ற திருவடிகளை நினைப்பவர்கள், உலகில் நெடுங்காலம் நிலைத்து வாழ்வார்கள்.

4.வேண்டுதல்வேண்டாமைஇலான்அடிசேர்ந்தார்க்கு   

 யாண்டும் இடும்பை இல.

meaning:விருப்பும் வெறுப்பும் இல்லாத கடவுளின் திருவடிகளை உறுதியாகப் பற்ற நினைப்பவர்களுக்கு வாழ்வில் எத்தகைய துன்பமும் ஏற்படாது.

5.இருள்சேர் இருவினையும் சேரா இறைவன் பொருள்சேர் புகழ்புரிந்தார் மாட்டு.

meaning:கடவுளின் உண்மையான திருவடிகளை விரும்பிப் போற்றுகிறவர்களிடம் நல்வினை, தீவினை ஆகிய இருவினைகளும் தொடர்வதில்லை.

 

 

6.பொறிவாயில்ஐந்தவித்தான்பொய்தீர்ஒழுக்க    

நெறிநின்றார் நீடுவாழ் வார்.

meaning:ஐம்பொறிகள் வழியாகப் பிறக்கும் வேட்கைகள் இல்லாத கடவுளின் உண்மையான புகழைப் போற்றுபவர்கள் நிலை பெற்று வாழ்வார்கள்.

7.தனக்குவமைஇல்லாதான்தாள்சேர்ந்தார்க் கல்லால் 

 மனக்கவலை மாற்றல் அரிது.

meaning:தனக்கு ஒப்புமை இல்லாத கடவுளின் திருவடிகளைப் பொருதி நினைக்காதவர்களால் மனக்கவலையை மாற்ற முடியாது.

8.அறவாழி அந்தணன் தாள்சேர்ந்தார்க் கல்லால் 

பிறவாழி நீந்தல் அரிது.

meaning:அறக்கடலாக விளங்கும் கடவுளின் திருவடிகளைப் பொருந்தி நினைக்காதவர் களுக்கு உலக ஆசைகள் என்ற கடல்களைக் கடக்க முடியாது.

9.கோளில் பொறியில் குணமிலவே எண்குணத்தான் 

தாளை வணங்காத் தலை.

meaning:கேட்க முடியாத காது, பார்க்க முடியாத கண் போலவே, எட்டுக் குணங்களைக் கொண்ட இறைவனின் திருவடிகளை வணங்காத தலையும் பயனற்றது.

10.பிறவிப் பெருங்கடல் நீந்துவர் நீந்தார் இறைவன் அடிசேராதார். 

meaning:இறைவனின் திருவடிகளை பற்றி நினைப்பவர்கள் பிறவி எனும் பெருங்கடலைக் கடப்பார்கள். மற்றவர்களால் கடக்க முடியாது.

*****************